حياتي مع بناتي

بداية يومي الواعد

 يصحيني سؤال صغير

 ياماما جاء الصبح ولا لا

وأتنرفز

و أفز من مرقدي و أقوم

وش الي قومك بدري

 ياماما قومي يكفي النوم

و تزيد النرفزه فيني

 وأتهدد و أتوعد

 واذا اقفت

 أحط راسي ولا أقدر

يطير النوم من عيني

وتدغدغ خافقي حنه

 وتزيد الدغدغه فيني

واناديها

 يا بنتي نمتي ولا لا

 ياماما ما يجيني النوم

 تعالي يابعد أمك

 وأحضنها

 ويرقص كل ما فيني

 ولاودي ولاودها تبعد

 ………………………………………

 نفسه يومي الواعد

 وأنا غرقانه باشغالي

 تجيني قلبي الثاني

 وتناديني

 ياماما تراني قمت من نومي

 و أهز الراس بالإجاب

 وتعيد الكره لي ثاني

 و أعيد الهزه بالإجاب

وتكررها

 الى من العقل مني يطير بعيد

 و أتنرفز

وتزيد النرفزه فيني

 و أتهدد و أتوعد و إذا أقفت

 بكمل شغلي ما أقدر

 تلخبط كل ما فيني

 و اناديها

تعالي يا بعد أمك

 صباح الخير يا ماما

 صباح الفل و الريحان

 و أحضنها

و يرقص كل ما فيني

 ولا ودي ولا ودها تبعد

 ……………………………………..

 ويكمل يومي الواعد

 بعد ساعه من الأحداث

 يجوني كل قلبيني

 يا ماما أختنا قامت

 صحالي قلبي الثالث

 و ظبطني

 ولا خلاني أتنرفز

 ولا تقدر تزيد النرفزه فيني

 وتبين الفرحه في عيني

 الى أن الفرح يروي

جميع الأورده فيني

 واناديهم  تعالو يابعد كلي

 واقربهم و أحضنهم

 واطلب ربي يحرسهم

 ويحفضهم ويصلحهم

 ولا يحرمني وانترفز

 وتزيد النرفزه فيني

الأوسمة: مشاهد